ملعون ظلم السجن

ملعون ظلم السجن


ملعون ظلم السجن والسجان
ملعون القيد اللي يقيد ايديني
ملعون اللي تبع عدوي ومعهم كان
قيد أنفاسي وأسر حنيني
ظلم وظلام وعدو جبان
عدو ما يخاف الله فيني
يعذبني وبأساليب العذاب فنان
يبي كل شي يدمرني ويبكيني
يبي خضوعي وانكساري والحرمان
وأنا اللي ما خضع لغير الله جبيني
ولو إن دمعي ينزل يزلزل الأركان
وما همني لو أدفع عمري وسنيني
عزيمتي قوية مثل البركان
وعمري فدا بلادي ما يكفيني
ولو يزيدوا على قلبي الأحزان
حبها مغروس بدمي وشراييني
كل اللي أبيه شوفة ولادي الفرسان
قلبي اشتاق لهم وزاد حنيني
أبي أضمهم بين ضلوعي والأحضان
ترى حضنهم عذاب السجن والآه ينسيني
كل ما يمرون بخيالي أذكر ذاك الزمان
اللي دار ولفاني سجيني
أتجرع حسرة الألم من السجان
وأصبر وغير الصبر لجروحي ما يداويني
كل يوم نفس الحال ومتى الوقت ما حان


أصبح وأمسى ودمعي في عيني
وذكرى الحبايب والأهل بنفس المكان
بقلبي وروحي وحبهم يزيد فيني
وما لي غير رب رحيم رحمن
يرأف بحالي ويرحم أنيني
وأخرج من سجن المذلة إنسان
وأمي بالزغاريد تلاقيني
نشمي عمره في يوم ماهان
وراسه مرفوعة دوم لأنه فلسطيني
لأنه فلسطيني